koi jahan mein sahab-e-iman na ban saka

koī jahāñ meñ sāhab-e-īmāñ na ban sakā

tuf hai ki ishq maz.hab-e-insāñ na ban sakā

tā-umr tifl-e-dil pe yatīmī kā karb thā

koshish to kī magar maiñ kabhī maañ na ban sakā

ya.anī junūñ ke baab meñ bhī intiḳhāb thā

jo bahr ban gayā vo bayābāñ na ban sakā

shahr-e-ḳhirad ke baab haqīqat kā har ḳhayāl

dasht-e-gumāñ kī raah kā imkāñ na ban sakā

ye ḳhār-zār sab kā gulistāñ to ban gayā

ye ḳhār-zār merā gulistāñ na ban sakā

koi jahan mein sahab-e-iman na ban saka

tuf hai ki ishq mazhab-e-insan na ban saka

ta-umr tifl-e-dil pe yatimi ka karb tha

koshish to ki magar main kabhi man na ban saka

yani junun ke bab mein bhi intiKHab tha

jo bahr ban gaya wo bayaban na ban saka

shahr-e-KHirad ke bab haqiqat ka har KHayal

dasht-e-guman ki rah ka imkan na ban saka

ye KHar-zar sab ka gulistan to ban gaya

ye KHar-zar mera gulistan na ban saka