koi kis tarah tum se sar-bar ho

koī kis tarah tum se sar-bar ho

saḳht be-rahm ho sitamgar ho

uTh gayā ham se go mukaddar ho

ḳhush rahe vo jahāñ ho jīdhar ho

tevrī chaḌh rahī hai ye bhauñ par

kyā hai kyuuñ kis liye mukaddar ho

kyā shitābī hī aise jā.egā

ḳhushk to ho araq abhī tar ho

jaan khaa.ī hai nāseho ne mirī

sāmne in ke to Tuk aa kar ho

liije hāzir hai chiiz kyā hai dil

ġhussa is vāste jo mujh par ho

yaad meñ us kī ghar se niklā huuñ

saḳht be-iḳhtiyār-o-muztar ho

us se 'bedār' baat to ma.alūm

dekhnā bhī kahīñ mayassar ho

koi kis tarah tum se sar-bar ho

saKHt be-rahm ho sitamgar ho

uTh gaya hum se go mukaddar ho

KHush rahe wo jahan ho jidhar ho

tewri chaDh rahi hai ye bhaun par

kya hai kyun kis liye mukaddar ho

kya shitabi hi aise jaega

KHushk to ho araq abhi tar ho

jaan khai hai naseho ne meri

samne in ke to Tuk aa kar ho

lije hazir hai chiz kya hai dil

ghussa is waste jo mujh par ho

yaad mein us ki ghar se nikla hun

saKHt be-iKHtiyar-o-muztar ho

us se 'bedar' baat to malum

dekhna bhi kahin mayassar ho