koi mazi ke jharokon se sada deta hai
koī maazī ke jharokoñ se sadā detā hai
sard paḌte hue sho.aloñ ko havā detā hai
dil-e-afsurda kā har gosha chhanak uThtā hai
zehn jab yādoñ kī zanjīr hilā detā hai
hāl-e-dil kitnā hī insān chhupā.e yaaro
hāl-e-dil us kā to chehra hī batā detā hai
kisī bichhḌe hue kho.e hue hamdam kā ḳhayāl
kitne so.e hue jazboñ ko jagā detā hai
ek lamha bhī guzar saktā na ho jis ke baġhair
koī us shaḳhs ko kis tarah bhulā detā hai
vaqt ke saath guzar jaatā hai har ik sadma
vaqt har zaḳhm ko har ġham ko miTā detā hai
koi mazi ke jharokon se sada deta hai
sard paDte hue shoalon ko hawa deta hai
dil-e-afsurda ka har gosha chhanak uThta hai
zehn jab yaadon ki zanjir hila deta hai
haal-e-dil kitna hi insan chhupae yaro
haal-e-dil us ka to chehra hi bata deta hai
kisi bichhDe hue khoe hue hamdam ka KHayal
kitne soe hue jazbon ko jaga deta hai
ek lamha bhi guzar sakta na ho jis ke baghair
koi us shaKHs ko kis tarah bhula deta hai
waqt ke sath guzar jata hai har ek sadma
waqt har zaKHm ko har gham ko miTa deta hai
Source:
Rag-e-jan (Pg. 173)
- Author: Ahmad Rahi
-
- Edition: 2005
- Publisher: Al-Hamd Publication
- Year of Publication: 2005
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
