koī majbūriyāñ ginvā rahā hai
mujhe to ḳhuub hañsnā aa rahā hai
udāsī kar rahī hai raqs-e-hijrat
hamesha ke liye vo jā rahā hai
koī aurat abhī ghar chhoḌ degī
koī jañgal se vāpas aa rahā hai
kabhī hañste hue jo kah diyā thā
mirā vo sher mujh ko khā rahā hai
gale meñ paḌ chukī rassī kisī ke
kuñ.eñ meñ koī marne jā rahā hai
koi majburiyan ginwa raha hai
mujhe to KHub hansna aa raha hai
udasi kar rahi hai raqs-e-hijrat
hamesha ke liye wo ja raha hai
koi aurat abhi ghar chhoD degi
koi jangal se wapas aa raha hai
kabhi hanste hue jo kah diya tha
mera wo sher mujh ko kha raha hai
gale mein paD chuki rassi kisi ke
kunen mein koi marne ja raha hai
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.