koi manjdhaar na dhaara hai KHuda KHair kare

Amir Mausavi

koi manjdhaar na dhaara hai KHuda KHair kare

Amir Mausavi

MORE BYAmir Mausavi

    koī mañjdhār na dhārā hai ḳhudā ḳhair kare

    aaj kyoñ paas kinārā hai ḳhudā ḳhair kare

    phir nasheman ko sañvārā hai ḳhudā ḳhair kare

    barq aañkh taarā hai ḳhudā ḳhair kare

    dekheñ lauT aatī hai āvāz ki miltā hai javāb

    dil ne phir tujh ko pukārā hai ḳhudā ḳhair kare

    hosh paane nahīñ dil ki jo paanī māñge

    zulf-e-shab-rañg maarā hai ḳhudā ḳhair kare

    zehn apnā.e hue fikr pe vo chhā.e hue

    ghar na sāmān hamārā hai ḳhudā ḳhair kare

    ho gayā dard sivā kyā huā be-dard ko aaj

    shikva-e-dard gavāra hai ḳhudā ḳhair kare

    ab garebāñ salāmat hai na dāman baaqī

    phir bahāroñ ne pukārā hai ḳhudā ḳhair kare

    ik fusūñ-kār hai ġhārat-gar-e-hosh-o-tamkīñ

    jis ne shīshe meñ utārā hai ḳhudā ḳhair kare

    ḳhirman-e-zabt-o-sukūñ terā ḳhudā hāfiz hai

    jalva-e-yār sharāra hai ḳhudā ḳhair kare

    dekhiye kyā ho ki āmāda-e-fariyād hai dil

    ab na kuchh zabt yaarā hai ḳhudā ḳhair kare

    kal ji.eñ na ji.eñ aaj tire jaane par

    vaqt mar mar ke guzārā hai ḳhudā ḳhair kare

    karvaTeñ vaqt badaltā hai uTho chāragaro

    kab se bechārgī chārā hai ḳhudā ḳhair kare

    kitne iisā haiñ jo is daur meñ dete haiñ javāb

    phir salīboñ ne pukārā hai ḳhudā ḳhair kare

    phir koī ban ke mehrbāñ na kare is pe nazar

    ġham ko hañs hañs ke nikhārā hai ḳhudā ḳhair kare

    zindagī yaad se terī na ho ġhāfil ai dost

    ab yahī ek sahārā hai ḳhudā ḳhair kare

    kyā mile dil ki nazar bhī nahīñ miltī 'āmir'

    husn ḳhud-bīñ-o-ḳhud-ārā hai ḳhudā ḳhair kare

    koi manjdhaar na dhaara hai KHuda KHair kare

    aaj kyon pas kinara hai KHuda KHair kare

    phir nasheman ko sanwara hai KHuda KHair kare

    barq ki aankh ka tara hai KHuda KHair kare

    dekhen lauT aati hai aawaz ki milta hai jawab

    dil ne phir tujh ko pukara hai KHuda KHair kare

    hosh pane ka nahin dil ki jo pani mange

    zulf-e-shab-rang ka mara hai KHuda KHair kare

    zehn apnae hue fikr pe wo chhae hue

    ghar na saman hamara hai KHuda KHair kare

    ho gaya dard siwa kya hua be-dard ko aaj

    shikwa-e-dard gawara hai KHuda KHair kare

    ab gareban hi salamat hai na daman baqi

    phir bahaaron ne pukara hai KHuda KHair kare

    ek fusun-kar hai ghaarat-gar-e-hosh-o-tamkin

    jis ne shishe mein utara hai KHuda KHair kare

    KHirman-e-zabt-o-sukun tera KHuda hafiz hai

    jalwa-e-yar sharara hai KHuda KHair kare

    dekhiye kya ho ki aamada-e-fariyaad hai dil

    ab na kuchh zabt ka yara hai KHuda KHair kare

    kal jien ya na jien aaj tere jaane par

    waqt mar mar ke guzara hai KHuda KHair kare

    karwaTen waqt badalta hai uTho chaaragaro

    kab se bechaargi chaara hai KHuda KHair kare

    kitne isa hain jo is daur mein dete hain jawab

    phir salibon ne pukara hai KHuda KHair kare

    phir koi ban ke mehrban na kare is pe nazar

    gham ko hans hans ke nikhaara hai KHuda KHair kare

    zindagi yaad se teri na ho ghafil ai dost

    ab yahi ek sahaara hai KHuda KHair kare

    kya mile dil ki nazar bhi nahin milti 'amir'

    husn KHud-bin-o-KHud-ara hai KHuda KHair kare

    Source :
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY