koi misal nahin hai teri misal ke baad

koī misāl nahīñ hai tirī misāl ke baad

maiñ be-ḳhayāl huā huuñ tire ḳhayāl ke baad

bas ik malāl pe tū zindagī tamām na kar

baḌe malāl mileñge mire malāl ke baad

har ek zaḳhm ko ashkoñ se dho ke chuum liyā

maiñ aise Thiik huā us kī dekh-bhāl ke baad

ulajh ke rah gayā vo jaal meñ tabīboñ ke

marīz ghar nahīñ lauTā hai aspatāl ke baad

duā salām se aage maiñ baḌh nahīñ paatā

use bhī sochnā paḌtā hai hāl-chāl ke baad

hamāre biich meñ jo hai sahī nahīñ hai vo

use ye yaad bhī aaya to chaar saal ke baad

hazāroñ ḳhvāb jo āñkhoñ ke āsare the kabhī

yatīm ho ga.e āñkhoñ ke intiqāl ke baad

koi misal nahin hai teri misal ke baad

main be-KHayal hua hun tere KHayal ke baad

bas ek malal pe tu zindagi tamam na kar

baDe malal milenge mere malal ke baad

har ek zaKHm ko ashkon se dho ke chum liya

main aise Thik hua us ki dekh-bhaal ke baad

ulajh ke rah gaya wo jal mein tabibon ke

mariz ghar nahin lauTa hai aspatal ke baad

dua salam se aage main baDh nahin pata

use bhi sochna paDta hai haal-chaal ke baad

hamare bich mein jo hai sahi nahin hai wo

use ye yaad bhi aaya to chaar sal ke baad

hazaron KHwab jo aankhon ke aasare the kabhi

yatim ho gae aankhon ke intiqal ke baad