koi na dekhe gunj hawa ki
koī na dekhe guuñj havā kī
nigarāñ hai ik zaat ḳhudā kī
kho ga.iiñ chhoTī chhoTī uḌāneñ
phailte shahroñ meñ chiḌiyā kī
jitne sahrā vo sab mere
sonā hai miTTī duniyā kī
pahle apnī tah ko pā le
dekh ravānī phir dariyā kī
maiñ ne un āñkhoñ kī ḳhātir
phūloñ jaisī ek duā kī
un pathrīlī āñkhoñ meñ hai
ik chup chup tasvīr vafā kī
zāt-safar ke lākhoñ raste
ābla-pā.ī mujh tanhā kī
darvāze kī oT se jhāñke
yaad tumhārī shakl sabā kī
ġham andar kā nam hai 'ḳhāvar'
bāhar aañch hai tez havā kī
koi na dekhe gunj hawa ki
nigaran hai ek zat KHuda ki
kho gain chhoTi chhoTi uDanen
phailte shahron mein chiDiya ki
jitne sahra wo sab mere
sona hai miTTi duniya ki
pahle apni tah ko pa le
dekh rawani phir dariya ki
main ne un aankhon ki KHatir
phulon jaisi ek dua ki
un pathrili aankhon mein hai
ek chup chup taswir wafa ki
zat-safar ke lakhon raste
aabla-pai mujh tanha ki
darwaze ki oT se jhanke
yaad tumhaari shakl saba ki
gham andar ka nam hai 'KHawar'
bahar aanch hai tez hawa ki
- Book : Funoon (Monthly) (Pg. 226)
- Author : Ahmad Nadeem Qasmi
- Publication : 4 Maklood Road, Lahore (25Edition Nov. Dec. 1986)
- Edition : 25Edition Nov. Dec. 1986
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
