koi nakaam nahin dida-e-tar ki manind

koī nākām nahīñ dīda-e-tar kī mānind

ashk Tapkeñ na agar ḳhūn-e-jigar kī mānind

hausla hai to kabhī shikva-e-uftād na kar

parda-e-shab se ubhar nūr-e-sahar kī mānind

rāt-din barq-e-balā rahtī hai masrūf-e-tavāf

ghar kisī aur kā kab hai mire ghar kī mānind

bartaraf sehn-e-chaman se mujhe karne vaalo

kaun kāñToñ ko chunegā gul-e-tar kī mānind

aañkh vaale to zamāne meñ bahut haiñ lekin

kis ne dekhā hai tujhe merī nazar kī mānind

kahkashāñ aur tirī rāhguzar nā-mumkin

haañ magar hai ye tirī rāhguzar kī mānind

kor-nazroñ se sivā kor-nazar haiñ 'zebā'

ye jo aate haiñ nazar ahl-e-nazar kī mānind

koi nakaam nahin dida-e-tar ki manind

ashk Tapken na agar KHun-e-jigar ki manind

hausla hai to kabhi shikwa-e-uftad na kar

parda-e-shab se ubhar nur-e-sahar ki manind

raat-din barq-e-bala rahti hai masruf-e-tawaf

ghar kisi aur ka kab hai mere ghar ki manind

bartaraf sehn-e-chaman se mujhe karne walo

kaun kanTon ko chunega gul-e-tar ki manind

aankh wale to zamane mein bahut hain lekin

kis ne dekha hai tujhe meri nazar ki manind

kahkashan aur teri rahguzar na-mumkin

han magar hai ye teri rahguzar ki manind

kor-nazron se siwa kor-nazar hain 'zeba'

ye jo aate hain nazar ahl-e-nazar ki manind