koi pahlu mein sanam ho to ghazal hoti hai
koi pahlu mein sanam ho to ghazal hoti hai
Khwaja Rafat Husain Naiyer
MORE BYKhwaja Rafat Husain Naiyer
koī pahlū meñ sanam ho to ġhazal hotī hai
husn mā.il-ba-karam ho to ġhazal hotī hai
dil meñ pinhāñ koī ġham ho to ġhazal hotī hai
zindagī ġham se raqam ho to ġhazal hotī hai
ham liye zād-e-safar dard kī sauġhāt chale
ham-safar koī alam ho to ġhazal hotī hai
duur rah kar nahīñ khil sakte tamanna ke gulāb
fāsla kuchh zarā kam ho to ġhazal hotī hai
chāñd se mukhḌe pe bikhrī hoñ jo kaalī zulfeñ
aur kisī zulf meñ ḳham ho to ġhazal hotī hai
kuchh tajallī ruḳh-e-dil-dār se āñkhoñ ko mile
rū-ba-rū rū-e-sanam ho to ġhazal hotī hai
vo agar rūThe haiñ 'nayyar' to nahīñ hotī ġhazal
un kā altāf-o-karam ho to ġhazal hotī hai
koi pahlu mein sanam ho to ghazal hoti hai
husn mail-ba-karam ho to ghazal hoti hai
dil mein pinhan koi gham ho to ghazal hoti hai
zindagi gham se raqam ho to ghazal hoti hai
hum liye zad-e-safar dard ki saughat chale
ham-safar koi alam ho to ghazal hoti hai
dur rah kar nahin khil sakte tamanna ke gulab
fasla kuchh zara kam ho to ghazal hoti hai
chand se mukhDe pe bikhri hon jo kali zulfen
aur kisi zulf mein KHam ho to ghazal hoti hai
kuchh tajalli ruKH-e-dil-dar se aankhon ko mile
ru-ba-ru ru-e-sanam ho to ghazal hoti hai
wo agar ruThe hain 'nayyar' to nahin hoti ghazal
un ka altaf-o-karam ho to ghazal hoti hai
Source:
Ghazlistan-e-Barar (Pg. 208)
-
- Publisher: Sajid Urdu Press, Akola
- Year of Publication: 2015
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
