aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

koi payam-e-musalsal hai shor-e-dariya bhi

Lais Quraishi

koi payam-e-musalsal hai shor-e-dariya bhi

Lais Quraishi

MORE BYLais Quraishi

    koī payām-e-musalsal hai shor-e-dariyā bhī

    tahī-suḳhan se nahīñ hai sukūt-e-sahrā bhī

    fazā-e-dasht meñ ahl-e-junūñ ke hañgāme

    hameñ to raas na aa.ī magar ye duniyā bhī

    zamīn-e-tishna-dahan sadā to aa.ī thī

    magar ye baat ki abr-e-bahār barsā bhī

    ye bū-e-gul bhī pareshāñ bahut huī lekin

    bahut huā mirī āvārgī charchā bhī

    kiyā hai fat.h koī lamha-e-vafā jab se

    mirī giraft meñ imroz bhī hai fardā bhī

    abhī to tishna-labī ke surūr meñ gum haiñ

    ham ahl-e-zarf kareñge kabhī taqāza bhī

    jahāñ ko dekhne vaalī hazār āñkheñ haiñ

    inhīñ meñ hogī kahīñ koī chashm-e-bīnā bhī

    jo be-hunar haiñ vo shā.ista-e-gunāh nahīñ

    gunāh karne meñ ik shart hai salīqa bhī

    ajiib ālam-e-begāñgī meñ aa nikle

    garāñ guzartī hai dil par tirī tamannā bhī

    jo mil rahā thā ba-zāhir baḌe ḳhulūs ke saath

    janāb-e-'lais' ne us aadmī ko samjhā bhī

    koi payam-e-musalsal hai shor-e-dariya bhi

    tahi-suKHan se nahin hai sukut-e-sahra bhi

    faza-e-dasht mein ahl-e-junun ke hangame

    hamein to ras na aai magar ye duniya bhi

    zamin-e-tishna-dahan ki sada to aai thi

    magar ye baat ki abr-e-bahaar barsa bhi

    ye bu-e-gul bhi pareshan bahut hui lekin

    bahut hua meri aawargi ka charcha bhi

    kiya hai fath koi lamha-e-wafa jab se

    meri giraft mein imroz bhi hai farda bhi

    abhi to tishna-labi ke surur mein gum hain

    hum ahl-e-zarf karenge kabhi taqaza bhi

    jahan ko dekhne wali hazar aankhen hain

    inhin mein hogi kahin koi chashm-e-bina bhi

    jo be-hunar hain wo shaista-e-gunah nahin

    gunah karne mein ek shart hai saliqa bhi

    ajib aalam-e-begangi mein aa nikle

    garan guzarti hai dil par teri tamanna bhi

    jo mil raha tha ba-zahir baDe KHulus ke sath

    janab-e-'lais' ne us aadmi ko samjha bhi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now