koi pursan-e-haal ho to kahen
koī pursān-e-hāl ho to kaheñ
aur ham se savāl ho to kaheñ
dard meñ e'tidāl ho to kaheñ
kuchh jo hālat bahāl ho to kaheñ
jab suḳhan kī majāl ho to kaheñ
guftanī dil kā haal ho to kaheñ
sitam-o-jaur kā nahīñ shikva
dil meñ gard-e-malāl ho to kaheñ
husn-e-yūsuf hai qissa-e-māzī
un kī koī misāl ho to kaheñ
fā.eda kyā ki baat bhī jaa.e
aap ko kuchh ḳhayāl ho to kaheñ
saañs ukhaḌtī hai baat karne meñ
tāqat-e-arz-e-hāl ho to kaheñ
aap hī kā ḳhayāl hai ham ko
aur koī ḳhayāl ho to kaheñ
kyoñ chhupā.eñ nā dard-e-dil 'hāmid'
kahne kā kuchh ḳhayāl ho to kaheñ
koi pursan-e-haal ho to kahen
aur hum se sawal ho to kahen
dard mein e'tidal ho to kahen
kuchh jo haalat bahaal ho to kahen
jab suKHan ki majal ho to kahen
guftani dil ka haal ho to kahen
sitam-o-jaur ka nahin shikwa
dil mein gard-e-malal ho to kahen
husn-e-yusuf hai qissa-e-mazi
un ki koi misal ho to kahen
faeda kya ki baat bhi jae
aap ko kuchh KHayal ho to kahen
sans ukhaDti hai baat karne mein
taqat-e-arz-e-haal ho to kahen
aap hi ka KHayal hai hum ko
aur koi KHayal ho to kahen
kyon chhupaen na dard-e-dil 'hamid'
kahne ka kuchh KHayal ho to kahen
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
