koi puchhe to is diwane se

koī pūchhe to is divāne se

ishq baḌhtā hai āzmāne se

us kī yādeñ haiñ dard kā darmāñ

dard baḌhtā hai bhuul jaane se

koī sūrat nikāl milne kī

ḳhvāb hī meñ kisī bahāne se

terī yādoñ se ghar chamaktā hai

raushnī hai ye dil jalāne se

dāman-e-yār par ki āñkhoñ meñ

kaam ashkoñ ko hai Thikāne se

haiñ tumhāre na.e na.e sapne

aur mire ḳhvāb kuchh purāne se

ab haTāo bhī jhuuT kā pahra

sach nikālo zarā ḳhazāne se

koī do-chār din kī baat nahīñ

chāhtā huuñ tujhe zamāne se

'shāh' kī justujū meñ dīvāne

ba.az aa.e na zaḳhm khāne se

koi puchhe to is diwane se

ishq baDhta hai aazmane se

us ki yaaden hain dard ka darman

dard baDhta hai bhul jaane se

koi surat nikal milne ki

KHwab hi mein kisi bahane se

teri yaadon se ghar chamakta hai

raushni hai ye dil jalane se

daman-e-yar par ki aankhon mein

kaam ashkon ko hai Thikane se

hain tumhaare nae nae sapne

aur mere KHwab kuchh purane se

ab haTao bhi jhuT ka pahra

sach nikalo zara KHazane se

koi do-chaar din ki baat nahin

chahta hun tujhe zamane se

'shah' ki justuju mein diwane

baz aae na zaKHm khane se