koi qarib na aae shikasta-pa hun main

Mahboob Khizan

koi qarib na aae shikasta-pa hun main

Mahboob Khizan

MORE BYMahboob Khizan

    koī qarīb na aa.e shikasta-pā huuñ maiñ

    karam to hai magar anjām dekhtā huuñ maiñ

    mirī nigāh meñ kuchh aur DhūñDne vaale

    tirī nigāh meñ kuchh aur DhūñDtā huuñ maiñ

    zamāna der-farāmosh to nahīñ itnā

    ye Thiik hai ki bahut der-āshnā huuñ maiñ

    ġhalat nahīñ vo jo shikve ab aap ko hoñge

    badal gayā hai zamāna badal gayā huuñ maiñ

    mujhe satāo nahīñ zindagī nigāh meñ hai

    fareb khaao nahīñ tum ko jāntā huuñ maiñ

    mirā ġhurūr-e-mohabbat ki maiñ nahīñ samjhā

    tirī nazar ne kahā thā ki dilrubā huuñ maiñ

    koi qarib na aae shikasta-pa hun main

    karam to hai magar anjam dekhta hun main

    meri nigah mein kuchh aur DhunDne wale

    teri nigah mein kuchh aur DhunDta hun main

    zamana der-faramosh to nahin itna

    ye Thik hai ki bahut der-ashna hun main

    ghalat nahin wo jo shikwe ab aap ko honge

    badal gaya hai zamana badal gaya hun main

    mujhe satao nahin zindagi nigah mein hai

    fareb khao nahin tum ko jaanta hun main

    mera ghurur-e-mohabbat ki main nahin samjha

    teri nazar ne kaha tha ki dilruba hun main

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY