koi ret raqs mein mast thi ki hawa chali thi surur se

Shiraz Ali

koi ret raqs mein mast thi ki hawa chali thi surur se

Shiraz Ali

MORE BYShiraz Ali

    koī ret raqs meñ mast thī ki havā chalī thī surūr se

    tire zāviye pe ghūmtā huā aa gayā koī duur se

    tujhe itne paas se dekh le koī ahl hai na ye sahl hai

    kabhī jism ghultā hai aag meñ kabhī aañkh jaltī hai nuur se

    mujhe koī fikr-e-fanā bhī kyā maiñ to jāntā huuñ baqā hai kyā

    tujhe DhūñDne se nahīñ milā maiñ ne liyā hai shu.ūr se

    koī aur mujh meñ hunar na thā mujhe bandagī ne baḌā kiyā

    use shahnshāh ne bhī radd kiyā vo bharā huā thā ġhurūr se

    mire kārī-gar tire bas meñ hai ye hayāt bhī ye mamāt bhī

    tirī kun se hai mirī ibtidā mirī intihā tire suur se

    na koī naġhma na saaz bhī na zindagī javāz bhī

    to kyā miT gayā hai 'shīrāz' bhī tirī dāstāñ sutūr se

    koi ret raqs mein mast thi ki hawa chali thi surur se

    tere zawiye pe hi ghumta hua aa gaya koi dur se

    tujhe itne pas se dekh le koi ahl hai na ye sahl hai

    kabhi jism ghulta hai aag mein kabhi aankh jalti hai nur se

    mujhe koi fikr-e-fana bhi kya main to jaanta hun baqa hai kya

    tujhe DhunDne se nahin mila main ne pa liya hai shuur se

    koi aur mujh mein hunar na tha mujhe bandagi ne baDa kiya

    use shahnshah ne bhi radd kiya wo bhara hua tha ghurur se

    mere kari-gar tere bas mein hai ye hayat bhi ye mamat bhi

    teri kun se hai meri ibtida meri intiha tere sur se

    na hi koi naghma na saz bhi na hi zindagi ka jawaz bhi

    to kya miT gaya hai 'shiraaz' bhi teri dastan ki sutur se

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now