koi sathi na koi hamdam-o-gham-KHwar main tanha

koī sāthī na koī hamdam-o-ġham-ḳhvār maiñ tanhā

fazā meñ tairtī vīrānī-e-shab-tār maiñ tanhā

bisāt itnī kahāñ mujh meñ tirī qudrat ko maiñ samjhūñ

zamīñ-tā-āsmāñ phaile tire aqdār maiñ tanhā

naqīb-e-sub.h tere haath ab kuchh bhī na aa.egā

savād-e-shab meñ sar-basta mire asrār maiñ tanhā

ḳhamīr-e-ādam-e-ḳhāKī meñ Dhal kar yaas kī sūrat

uThā.e huuñ azal se bār-e-yak-inkār maiñ tanhā

har ik chehre ke pīchhe mun'akis haiñ saiñkaḌoñ chehre

kahīñ gum ho na jā.ūñ ā.ina-bardār maiñ tanhā

taġhayyur kī sadā.eñ aa rahī thiiñ har darīche se

bachātā kis tarah girtī huī dīvār maiñ tanhā

koi sathi na koi hamdam-o-gham-KHwar main tanha

faza mein tairti virani-e-shab-tar main tanha

bisat itni kahan mujh mein teri qudrat ko main samjhun

zamin-ta-asman phaile tere aqdar main tanha

naqib-e-subh tere hath ab kuchh bhi na aaega

sawad-e-shab mein sar-basta mere asrar main tanha

KHamir-e-adam-e-KHaKi mein Dhal kar yas ki surat

uThae hun azal se bar-e-yak-inkar main tanha

har ek chehre ke pichhe mun'akis hain sainkaDon chehre

kahin gum ho na jaun aaina-bardar main tanha

taghayyur ki sadaen aa rahi thin har dariche se

bachata kis tarah girti hui diwar main tanha