koi sanam to ho koi apna KHuda to ho
koī sanam to ho koī apnā ḳhudā to ho
is dasht-e-be-kasī meñ koī aasrā to ho
kuchh dhuñdle dhuñdle ḳhvāb haiñ kuchh kāñpte charāġh
zād-e-safar yahī hai kuchh is ke sivā to ho
sūraj hī jab na chamke to pighlegī barf kyā
ban jaa.eñ vo bhī mom magar dil dukhā to ho
har chehra maslahat kī naqāboñ meñ kho gayā
mil baiTheñ kis ke saath koī āshnā to ho
ḳhāmosh pattharoñ kī tarah kyuuñ huā hai shahr
dhaḌkan diloñ kī gar nahīñ āvāz-e-pā to ho
baaqī hai ek dard kā rishta so vo bhī ab
kis se nibhā.eñ ham koī dard-āshnā to ho
koi sanam to ho koi apna KHuda to ho
is dasht-e-be-kasi mein koi aasra to ho
kuchh dhundle dhundle KHwab hain kuchh kanpte charagh
zad-e-safar yahi hai kuchh is ke siwa to ho
suraj hi jab na chamke to pighlegi barf kya
ban jaen wo bhi mom magar dil dukha to ho
har chehra maslahat ki naqabon mein kho gaya
mil baiThen kis ke sath koi aashna to ho
KHamosh pattharon ki tarah kyun hua hai shahr
dhaDkan dilon ki gar nahin aawaz-e-pa to ho
baqi hai ek dard ka rishta so wo bhi ab
kis se nibhaen hum koi dard-ashna to ho
Source:
Funoon(Jadeed Ghazal Number: Volume-002) (Pg. 998)
-
- Edition: 1969
- Publisher: Ahmad Nadeem Qasmi
- Year of Publication: 1969
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
