koi sitara-e-shab ya ghubar tha wo bhi

koī sitāra-e-shab yā ġhubār thā vo bhī

zamīñ pe nāz-e-falak kā shumār thā vo bhī

maiñ reza reza zamīñ par magar varā-e-zamīñ

numūd-e-pairahan-e-tār-tār thā vo bhī

sināñ-ba-dast jo aayā vo dasta-e-gul thā

jo lāla-rū thā so amboh-e-ḳhār thā vo bhī

vo paḌ gayā thā magar rañj-e-nā-gahānī meñ

girah-kushā gila-e-sāz-gār thā vo bhī

usī se ḳhaak meñ ra.anā.ī-e-tajammul hai

zamīñ pe jhuktā huā kohsār thā vo bhī

kisī pe jam ga.ī chashm-e-gurez-pā āḳhir

ajiib lamha-e-be-iḳhtiyār thā vo bhī

koi sitara-e-shab ya ghubar tha wo bhi

zamin pe naz-e-falak ka shumar tha wo bhi

main reza reza zamin par magar wara-e-zamin

numud-e-pairahan-e-tar-tar tha wo bhi

sinan-ba-dast jo aaya wo dasta-e-gul tha

jo lala-ru tha so amboh-e-KHar tha wo bhi

wo paD gaya tha magar ranj-e-na-gahani mein

girah-kusha gila-e-saz-gar tha wo bhi

usi se KHak mein ranai-e-tajammul hai

zamin pe jhukta hua kohsar tha wo bhi

kisi pe jam gai chashm-e-gurez-pa aaKHir

ajib lamha-e-be-iKHtiyar tha wo bhi