koi sunta hi nahin kis ko sunane lag jaen

koī suntā hī nahīñ kis ko sunāne lag jaa.eñ

dard agar uTThe to kyā shor machāne lag jaa.eñ

bhed aisā ki girah jis kī talab kartī hai umr

ramz aisā ki samajhne meñ zamāne lag jaa.eñ

aa gayā vo to dil o jaan bichhe haiñ har-sū

aur nahīñ aa.e to kyā ḳhaak uḌāne lag jaa.eñ

terī āñkhoñ kī qasam ham ko ye mumkin hī nahīñ

tū na ho aur ye manzar bhī suhāne lag jaa.eñ

vahshateñ itnī baḌhā de ki gharauñde Dhā deñ

sabz shāḳhoñ se parindoñ ko uḌāne lag jaa.eñ

aisā daarū ho rah-e-ishq se baaz aa.eñ qadam

aisā chāra ho ki bas hosh Thikāne lag jaa.eñ

koi sunta hi nahin kis ko sunane lag jaen

dard agar uTThe to kya shor machane lag jaen

bhed aisa ki girah jis ki talab karti hai umr

ramz aisa ki samajhne mein zamane lag jaen

aa gaya wo to dil o jaan bichhe hain har-su

aur nahin aae to kya KHak uDane lag jaen

teri aankhon ki qasam hum ko ye mumkin hi nahin

tu na ho aur ye manzar bhi suhane lag jaen

wahshaten itni baDha de ki gharaunde Dha den

sabz shaKHon se parindon ko uDane lag jaen

aisa daru ho rah-e-ishq se baz aaen qadam

aisa chaara ho ki bas hosh Thikane lag jaen