koī sūrat se gar safā ho
ā.ina-e-dil ḳhudā-numā ho
māshā-allāh chashm-e-bad-dūr
kyā ḳhuub javān-e-mah-laqā ho
munsif hoñ shaiḳh-o-gabr dil meñ
qissa chuk jaa.e faisla ho
dozaḳh ko bhī maat kar diyā hai
ai sozish-e-dil tirā burā ho
masnad kaisī faqīr huuñ maiñ
thoḌī sī jagah ho boriyā ho
kahte haiñ vo mere dekhne par
dekho koī na dekhtā ho
ma.alūm haiñ vā.izoñ kī bāteñ
us se kaheñ jo na jāntā ho
yaaro samjhāo us sanam ko
kaise tum banda-e-ḳhudā ho
gulchīñ mumkin hai phuul toḌe
bulbul naala bhī jāntā ho
kis se miltā hai dekh ai dil
ġhāfil aisā na ho daġhā ho
sun le kabhī mujh faqīr kī bhī
allāh kare tirā bhalā ho
ye haal hai naqd-e-dil ko kho kar
jaise koī luTā huā ho
ulTī ulTī na kyuuñ hoñ bāteñ
TeḌhī TeḌhī hai ḳhafā ḳhafā ho
banda bāhar kabhī nahīñ hai
jab chāhe ajal kā sāmnā ho
allāh kare nāma-e-amal par
terā naqsha khiñchā huā ho
ai yaar kabhī to kaam aao
itnī muddat kī āshnā ho
abrū se chashm se nigah se
aafat ho qahr ho balā ho
kab se ummīd-o-bīm meñ haiñ
jo kuchh honā ho yā ḳhudā ho
kuchh rahm bhī hai ḳhudā ḳhudā kar
bande se sabr tā kujā ho
paḌhte ho 'sabā' butoñ kā kalima
kahne ko banda-e-ḳhudā ho
koi surat se gar safa ho
aaina-e-dil KHuda-numa ho
masha-allah chashm-e-bad-dur
kya KHub jawan-e-mah-laqa ho
munsif hon shaiKH-o-gabr dil mein
qissa chuk jae faisla ho
dozaKH ko bhi mat kar diya hai
ai sozish-e-dil tera bura ho
masnad kaisi faqir hun main
thoDi si jagah ho boriya ho
kahte hain wo mere dekhne par
dekho koi na dekhta ho
malum hain waizon ki baaten
us se kahen jo na jaanta ho
yaro samjhao us sanam ko
kaise tum banda-e-KHuda ho
gulchin mumkin hai phul toDe
bulbul nala bhi jaanta ho
kis se milta hai dekh ai dil
ghafil aisa na ho dagha ho
sun le kabhi mujh faqir ki bhi
allah kare tera bhala ho
ye haal hai naqd-e-dil ko kho kar
jaise koi luTa hua ho
ulTi ulTi na kyun hon baaten
TeDhi TeDhi hai KHafa KHafa ho
banda bahar kabhi nahin hai
jab chahe ajal ka samna ho
allah kare nama-e-amal par
tera naqsha khincha hua ho
ai yar kabhi to kaam aao
itni muddat ki aashna ho
abru se chashm se nigah se
aafat ho qahr ho bala ho
kab se ummid-o-bim mein hain
jo kuchh hona ho ya KHuda ho
kuchh rahm bhi hai KHuda KHuda kar
bande se sabr ta kuja ho
paDhte ho 'saba' buton ka kalima
kahne ko banda-e-KHuda ho
Source:
Ghuncha-e-Arzu (Pg. ebook-116 page-118)
-
Author:
Wazir Ali Saba Lakhnavi
-
- Edition: 1856
- Publisher: Matba Mohammadi, Lucnow
- Year of Publication: 1856
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.