koī yaqīn kare kyoñ kisī gavāhī pe
mujhe yaqīñ nahīñ jab apnī be-gunāhī pe
uThe na zill-e-ilāhī pe uñglī ab koī
ye harf haar kā aa.e kisī sipāhī pe
nishān raahī ke rāhoñ pe ho na ho lekin
nishān rāhoñ ke aksar mileñge raahī pe
adā ye siikh hī letā agar pata hotā
saroñ ke daam to lagne haiñ kaj-kulāhī pe
rahūñgā jashn-zada maiñ bahāne kyā kam haiñ
tū raqs dekhnā merā mirī tabāhī pe
ye zaḳhm riste haiñ mere qalam zarīya hai
gumān ḳhuun kā honā hī hai siyāhī pe
koi yaqin kare kyon kisi gawahi pe
mujhe yaqin nahin jab apni be-gunahi pe
uThe na zill-e-ilahi pe ungli ab koi
ye harf haar ka aae kisi sipahi pe
nishan rahi ke rahon pe ho na ho lekin
nishan rahon ke aksar milenge rahi pe
ada ye sikh hi leta agar pata hota
saron ke dam to lagne hain kaj-kulahi pe
rahunga jashn-zada main bahane kya kam hain
tu raqs dekhna mera meri tabahi pe
ye zaKHm riste hain mere qalam zariya hai
guman KHun ka hona hi hai siyahi pe
Source:
Word File Mail By Salim Saleem
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.