kuchh aaj ilaj-e-dil-e-bimar to kar len

kuchh aaj ilāj-e-dil-e-bīmār to kar leñ

ai jān-e-jahāñ aao zarā pyaar to kar leñ

muñh ham ko lagātā hī nahīñ vo but-e-kāfir

kahtā hai ye allāh se inkār to kar leñ

samjhe hue haiñ kaam nikaltā hai junūñ se

kuchh tajraba-e-sub.ha-o-zunnār to kar leñ

sau jaan se ho jā.ūñgā raazī maiñ sazā par

pahle vo mujhe apnā gunahgār to kar leñ

haj se hameñ inkār nahīñ hazrat-e-vā.iz

tauf-e-haram-e-kūcha-e-dildār to kar leñ

manzūr vo kyoñ karne lage dāvat-e-'akbar'

ḳhair is se hai kyā bahas ham isrār to kar leñ

kuchh aaj ilaj-e-dil-e-bimar to kar len

ai jaan-e-jahan aao zara pyar to kar len

munh hum ko lagata hi nahin wo but-e-kafir

kahta hai ye allah se inkar to kar len

samjhe hue hain kaam nikalta hai junun se

kuchh tajraba-e-subha-o-zunnar to kar len

sau jaan se ho jaunga raazi main saza par

pahle wo mujhe apna gunahgar to kar len

haj se hamein inkar nahin hazrat-e-waiz

tauf-e-haram-e-kucha-e-dildar to kar len

manzur wo kyon karne lage dawat-e-'akbar'

KHair is se hai kya bahas hum israr to kar len