kuchh aansu ro lene ke baad nazar-e-KHwab ho gaya
kuchh aañsū ro lene ke baad nazar-e-ḳhvāb ho gayā
maiñ tum ko yaad karte karte gahrī niind so gayā
rageñ lakīreñ ho ga.iiñ masām nuqte ban ga.e
badan tumhārī yaad meñ hurūf-e-nazm ho gayā
maiñ bhuul aayā khol kar kitāb-e-umr paḌhte vaqt
sahāb-e-ġham jo guzrā kal varaq varaq bhigo gayā
ab us ke ratjagoñ ne bhī pahan liyā ġhilāf-e-nīñd
jo chilla-kash thā ġhaar meñ hujūm meñ vo kho gayā
maiñ mahv-e-sher-goī thā mujhe ḳhabar na ho sakī
ki mere ird gird bhī zamāna saarā so gayā
kuchh aansu ro lene ke baad nazar-e-KHwab ho gaya
main tum ko yaad karte karte gahri nind so gaya
ragen lakiren ho gain masam nuqte ban gae
badan tumhaari yaad mein huruf-e-nazm ho gaya
main bhul aaya khol kar kitab-e-umr paDhte waqt
sahab-e-gham jo guzra kal waraq waraq bhigo gaya
ab us ke ratjagon ne bhi pahan liya ghilaf-e-nind
jo chilla-kash tha ghaar mein hujum mein wo kho gaya
main mahw-e-sher-goi tha mujhe KHabar na ho saki
ki mere ird gird bhi zamana sara so gaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
