kuchh aisa bhi to ho jae kabhi aisa kare koi
kuchh aisa bhi to ho jae kabhi aisa kare koi
Syeda Nafis Bano shama
MORE BYSyeda Nafis Bano shama
kuchh aisā bhī to ho jaa.e kabhī aisā kare koī
banā.e ḳhud nasheman aur phir sahrā kare koī
tumhāre naam ke hamrāh merā naam le duniyā
mirā dil chāhtā hai phir mujhe rusvā kare koī
agar tū mil nahīñ saktā to kuchh tadbīr aisī ho
mirī āñkhoñ se tujh ko umr-bhar dekhā kare koī
ḳhirad par log nāzāñ haiñ junūñ par faḳhr hai mujh ko
junūñ se mere apnī aql kā saudā kare koī
ye fitrat kab bhalā insāniyat se mel khātī hai
safīna Dūbtā ho duur se dekhā kare koī
vo dil meñ jāguzīñ hai mustaqil hai jalva-farmā.ī
bhalā aise meñ phir kis tarah se pardā kare koī
hujūm-e-ġham sambhaltā hī nahīñ ai 'sham.a' ab mujh se
kabhī to kaash aisā ho mujhe tanhā kare koī
kuchh aisa bhi to ho jae kabhi aisa kare koi
banae KHud nasheman aur phir sahra kare koi
tumhaare nam ke hamrah mera nam le duniya
mera dil chahta hai phir mujhe ruswa kare koi
agar tu mil nahin sakta to kuchh tadbir aisi ho
meri aankhon se tujh ko umr-bhar dekha kare koi
KHirad par log nazan hain junun par faKHr hai mujh ko
junun se mere apni aql ka sauda kare koi
ye fitrat kab bhala insaniyat se mel khati hai
safina Dubta ho dur se dekha kare koi
wo dil mein jaguzin hai mustaqil hai jalwa-farmai
bhala aise mein phir kis tarah se parda kare koi
hujum-e-gham sambhalta hi nahin ai 'shama' ab mujh se
kabhi to kash aisa ho mujhe tanha kare koi
Source:
Kuch Dard ke sahra se (Pg. 63)
- Author: Syeda Nafis Bano Shama
-
- Edition: 2011
- Publisher: Aabshaar Publications
- Year of Publication: 2011
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
