kuchh aisa hai fareb-e-nargis-e-mastana barson se

kuchh aisā hai fareb-e-nargis-e-mastāna barsoñ se

ki sab bhūle hue haiñ ka.aba-o-but-ḳhāna barsoñ se

na ab mansūr baaqī hai na vo dār-o-rasan lekin

fazā meñ gūñjtā hai na.ara-e-mastāna barsoñ se

chaman ke naunihāl is ḳhaak meñ phūleñ phaleñ kaise

yahāñ chhāyā huā hai sabza-e-begāna barsoñ se

ye āñkheñ muddatoñ se ḳhūgar-e-barq-e-tajallī haiñ

nasheman bijliyoñ kā hai mirā kāshāna barsoñ se

tire qurbāñ idhar bhī ek jhoñkā abr-e-rahmat kā

jabīnoñ meñ girah hai sajda-e-shukrāna barsoñ se

'suhail' ab kis ko sajda kījiye hairat kā aalam hai

jabīñ ḳhud ban ga.ī sang-e-dar-e-jānāna barsoñ se

kuchh aisa hai fareb-e-nargis-e-mastana barson se

ki sab bhule hue hain kaba-o-but-KHana barson se

na ab mansur baqi hai na wo dar-o-rasan lekin

faza mein gunjta hai nara-e-mastana barson se

chaman ke naunihaal is KHak mein phulen phalen kaise

yahan chhaya hua hai sabza-e-begana barson se

ye aankhen muddaton se KHugar-e-barq-e-tajalli hain

nasheman bijliyon ka hai mera kashana barson se

tere qurban idhar bhi ek jhonka abr-e-rahmat ka

jabinon mein girah hai sajda-e-shukrana barson se

'suhail' ab kis ko sajda kijiye hairat ka aalam hai

jabin KHud ban gai sang-e-dar-e-jaanana barson se