kuchh aise dukh diye masnad-nashin logon ne

kuchh aise dukh diye masnad-nashīn logoñ ne

uchhāl Daalī hai dil kī zamīn logoñ ne

hamārī bhuuk hamārī anā kā hissa thī

jise ḳharīd liyā hai zahīn logoñ ne

faqat hayāt se rishta bahāl rakhne ko

banā liyā hai badan ko machine logoñ ne

chhupā liyā yahāñ shohrat ke ḳhauf se ḳhud ko

na-jāne kitne hī gosha-nashīn logoñ ne

vahī zamīn hī firdaus ban ga.ī ik din

banā liyā jahāñ ulfat ko diin logoñ ne

yahī nahīñ ki faqat nafrateñ milīñ 'az.har'

baḌe karam bhī kiye haiñ hasīn logoñ ne

kuchh aise dukh diye masnad-nashin logon ne

uchhaal Dali hai dil ki zamin logon ne

hamari bhuk hamari ana ka hissa thi

jise KHarid liya hai zahin logon ne

faqat hayat se rishta bahaal rakhne ko

bana liya hai badan ko machine logon ne

chhupa liya yahan shohrat ke KHauf se KHud ko

na-jaane kitne hi gosha-nashin logon ne

wahi zamin hi firdaus ban gai ek din

bana liya jahan ulfat ko din logon ne

yahi nahin ki faqat nafraten milin 'azhar'

baDe karam bhi kiye hain hasin logon ne