kuchh aisi chal rahi thi hawa dil nahin laga

kuchh aisī chal rahī thī havā dil nahīñ lagā

mele meñ zindagī ke zarā dil nahīñ lagā

tanhā.iyoñ ne mujh ko navāzā tamām umr

mahfil ke shor meñ ba-ḳhudā dil nahīñ lagā

duniyā-e-kārobār meñ ai tājir-e-azīm

saarā matā-o-māl lagā dil nahīñ lagā

maiñ raunaqoñ se shahr kī māyūs jab huā

ahl-e-ḳhirad ne mujh se kahā dil nahīñ lagā

be-zāriyoñ kā pūchhā jo ahbāb ne sabab

maiñ ne javāb un ko diyā dil nahīñ lagā

'amjad' to chaar din ko hī Thahrā sarā.e meñ

phir bhī vahāñ sukūñ na milā dil nahīñ lagā

kuchh aisi chal rahi thi hawa dil nahin laga

mele mein zindagi ke zara dil nahin laga

tanhaiyon ne mujh ko nawaza tamam umr

mahfil ke shor mein ba-KHuda dil nahin laga

duniya-e-karobar mein ai tajir-e-azim

sara mata-o-mal laga dil nahin laga

main raunaqon se shahr ki mayus jab hua

ahl-e-KHirad ne mujh se kaha dil nahin laga

be-zariyon ka puchha jo ahbab ne sabab

main ne jawab un ko diya dil nahin laga

'amjad' to chaar din ko hi Thahra sarae mein

phir bhi wahan sukun na mila dil nahin laga