kuchh anokhe hain khel pyar ke dekh

kuchh anokhe haiñ khel pyaar ke dekh

jiit maqsūd ho to haar ke dekh

har taraf surḳh zard niile phuul

ThāTh ye mausam-e-bahār ke dekh

dard aḳhtar-shumārī betābi

ye nazāre bhī intizār ke dekh

tū ne nādāñ use qubūl kiyā

apne kandhoñ se bojh utaar ke dekh

ġhair mumkin hai un se chhuTkārā

silsile jabr-o-iḳhtiyār ke dekh

apne rab ko qarīb pā.egā

tū kisī din use pukār ke dekh

log majbūr jubba-sā.ī par

sho.abde sāhib-e-mazār ke dekh

pūchhte haiñ ki kyā tirī ḳhidmāt

kaise naḳhre haiñ ahl-e-dār ke dekh

kuchh anokhe hain khel pyar ke dekh

jit maqsud ho to haar ke dekh

har taraf surKH zard nile phul

ThaTh ye mausam-e-bahaar ke dekh

dard aKHtar-shumari betabi

ye nazare bhi intizar ke dekh

tu ne nadan use qubul kiya

apne kandhon se bojh utar ke dekh

ghair mumkin hai un se chhuTkara

silsile jabr-o-iKHtiyar ke dekh

apne rab ko qarib paega

tu kisi din use pukar ke dekh

log majbur jubba-sai par

shoabde sahib-e-mazar ke dekh

puchhte hain ki kya teri KHidmat

kaise naKHre hain ahl-e-dar ke dekh