kuchh bas na chala jazba-e-KHud-kaam ke aage

Zaheer Kashmiri

kuchh bas na chala jazba-e-KHud-kaam ke aage

Zaheer Kashmiri

MORE BYZaheer Kashmiri

    kuchh bas na chalā jazba-e-ḳhud-kām ke aage

    jhuknā paḌā us but-e-badnām ke aage

    ik aur bhī hasrat hai pas-e-hasrat-e-dīdār

    ik aur bhī āġhāz hai anjām ke aage

    aa aur idhar koī tajallī kiran pheñk

    baiThe haiñ gadā tere dar-o-bām ke aage

    ye ishq hai bāzīcha-e-atfāl nahīñ hai

    kuchh aur bhī hai kūcha-e-asnām ke aage

    yuuñ un jafāoñ se milī ham ko basīrat

    ham jhuk na sake gardish-e-ayyām ke aage

    din Dhalne lagā dil-zadagāñ dil ḳhabar lo

    ik silsila-e-hijr bhī hai shaam ke aage

    ab kuchh bhī nahīñ hāsil-e-tadbīr-e-mohabbat

    ab kuchh bhī nahīñ nāma-o-paiġhām ke aage

    ik sehr taarī thā 'zahīr' ahl-e-ḳhirad par

    the mohr-ba-lab husn-e-dil-ārām ke aage

    kuchh bas na chala jazba-e-KHud-kaam ke aage

    jhukna hi paDa us but-e-badnam ke aage

    ek aur bhi hasrat hai pas-e-hasrat-e-didar

    ek aur bhi aaghaz hai anjam ke aage

    aa aur idhar koi tajalli ki kiran phenk

    baiThe hain gada tere dar-o-baam ke aage

    ye ishq hai bazicha-e-atfal nahin hai

    kuchh aur bhi hai kucha-e-asnam ke aage

    yun un ki jafaon se mili hum ko basirat

    hum jhuk na sake gardish-e-ayyam ke aage

    din Dhalne laga dil-zadagan dil ki KHabar lo

    ek silsila-e-hijr bhi hai sham ke aage

    ab kuchh bhi nahin hasil-e-tadbir-e-mohabbat

    ab kuchh bhi nahin nama-o-paigham ke aage

    ek sehr sa tari tha 'zahir' ahl-e-KHirad par

    the mohr-ba-lab husn-e-dil-aram ke aage

    Source:

    • Book : Raqs-e-junuu.n (Pg. 44)
    • Author : Zaheer Kashmiri
    • Publication : Mohd Jameel-un-nabi (1982)
    • Edition : 1982
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY