kuchh batata nahin kya saneha kar baiTha hai
kuchh batātā nahīñ kyā sāneha kar baiThā hai
dil mirā ek zamāna huā ghar baiThā hai
ye zamāna mujhe bachcha sā nazar aane lagā
jis tarah aa ke mire zer-e-nazar baiThā hai
mujh se dekhī nahīñ jaatī koī jaatī huī chiiz
tire uThte hī mire dil meñ jo Dar baiThā hai
farq mushkil hai bahut dasht ke bāshindoñ meñ
aadmī baiThā hai aisā ki shajar baiThā hai
pul kī ta.amīr kā sāmān nahīñ ishq ke paas
ruuh baiThī hai udhar jism idhar baiThā hai
rāt-bhar us ne hī kohrām machā rakkhā thā
kaisā ma.asūm sā ab dīda-e-tar baiThā hai
saare ahbāb taraqqī kī taraf jaate hue
'farhat-ehsās' sar-e-rāhguzar baiThā hai
kuchh batata nahin kya saneha kar baiTha hai
dil mera ek zamana hua ghar baiTha hai
ye zamana mujhe bachcha sa nazar aane laga
jis tarah aa ke mere zer-e-nazar baiTha hai
mujh se dekhi nahin jati koi jati hui chiz
tere uThte hi mere dil mein jo Dar baiTha hai
farq mushkil hai bahut dasht ke bashindon mein
aadmi baiTha hai aisa ki shajar baiTha hai
pul ki tamir ka saman nahin ishq ke pas
ruh baiThi hai udhar jism idhar baiTha hai
raat-bhar us ne hi kohram macha rakkha tha
kaisa masum sa ab dida-e-tar baiTha hai
sare ahbab taraqqi ki taraf jate hue
'farhat-ehsas' sar-e-rahguzar baiTha hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
