kuchh bhi ho taqdir ka likkha badal
kuchh bhī ho taqdīr kā likkhā badal
chāhiye tujh ko ki ab rastā badal
ba.ad meñ mujh ko dikhānā aa.ina
pahle apnā jā ke tū chehra badal
āgahī kā jis meñ ik rauzan na ho
us makān-e-zāt kā naqsha badal
merī vahshat hai sivā is se kahīñ
bārhā us se kahā sahrā badal
ne.amateñ duniyā kī sab mil jaatī haiñ
maañ nahīñ miltā magar terā badal
phir rahā hai kyuuñ tahī-kāsa liye
baar jo shānoñ pe hai rakkhā badal
TūTī-phūTī baan kā kyā aasrā
āsmāñ sar par uThā khatiyā badal
rasm-e-duniyā yuuñ badal saktī nahīñ
kab 'sahar' tujh se kahā tanhā badal
kuchh bhi ho taqdir ka likkha badal
chahiye tujh ko ki ab rasta badal
baad mein mujh ko dikhana aaina
pahle apna ja ke tu chehra badal
aagahi ka jis mein ek rauzan na ho
us makan-e-zat ka naqsha badal
meri wahshat hai siwa is se kahin
barha us se kaha sahra badal
neamaten duniya ki sab mil jati hain
man nahin milta magar tera badal
phir raha hai kyun tahi-kasa liye
bar jo shanon pe hai rakkha badal
TuTi-phuTi ban ka kya aasra
aasman sar par uTha khatiya badal
rasm-e-duniya yun badal sakti nahin
kab 'sahar' tujh se kaha tanha badal
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
