kuchh bhī ho us se judā.ī kā sabab ghar jaao
Dhal chukī shaam añdherā huā ab ghar jaao
shab meñ ghus aate haiñ aaseb mire shahroñ meñ
taak meñ rahtī hai ye vahshat-e-shab ghar jaao
log haq māñgne pahuñche the shahanshāh ke paas
nok-e-ḳhanjar pe milā hukm ke sab ghar jaao
nahīñ ye zaḳhm qabīle ke liye bā.is-e-nāz
qatl ho lo kisī talvār se tab ghar jaao
un se vābasta haiñ bachpan kī hazāroñ yādeñ
chuum lenā dar-o-dīvār ko jab ghar jaao
gaañv meñ koī tumhāre liye bekal hai 'sharīf'
jaane kab tum ko ḳhayāl aa.egā kab ghar jaao
kuchh bhi ho us se judai ka sabab ghar jao
Dhal chuki sham andhera hua ab ghar jao
shab mein ghus aate hain aaseb mere shahron mein
tak mein rahti hai ye wahshat-e-shab ghar jao
log haq mangne pahunche the shahanshah ke pas
nok-e-KHanjar pe mila hukm ke sab ghar jao
nahin ye zaKHm qabile ke liye bais-e-naz
qatl ho lo kisi talwar se tab ghar jao
un se wabasta hain bachpan ki hazaron yaaden
chum lena dar-o-diwar ko jab ghar jao
ganw mein koi tumhaare liye bekal hai 'sharif'
jaane kab tum ko KHayal aaega kab ghar jao
Source:
Rooh-e-Ghazal,Pachas Sala Intekhab (Pg. 679)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.