kuchh bhi jo asasa dar-o-diwar mein hota

kuchh bhī jo asāsa dar-o-dīvār meñ hotā

galiyoñ meñ nahīñ ghar mirā bāzār meñ hotā

mātam hī alag shahr-e-azādār meñ hotā

mujh sā jo kaleja kahīñ do-chār meñ hotā

phir shaah ne bai'at hī talab kī nahīñ varna

jo ran meñ huā thā vahī darbār meñ hotā

jis se maiñ galā kaaT sakūñ apnī anā kā

ai kaash vo lohā mirī talvār meñ hotā

hotā hī nahīñ zaḳhm jo bharne se ho qāsir

hotā to mire halqa-e-āzār meñ hotā

ik murġh-e-tamanna lab-e-aġhyār pe hotī

ik harf duā kā dil-e-ġham-ḳhvār meñ hotā

āñkhoñ meñ ujālā lab-o-ruḳhsār meñ ḳhushbū

ik dil bhī kahīñ sīna-e-dildār meñ hotā

kuchh bhi jo asasa dar-o-diwar mein hota

galiyon mein nahin ghar mera bazar mein hota

matam hi alag shahr-e-azadar mein hota

mujh sa jo kaleja kahin do-chaar mein hota

phir shah ne bai'at hi talab ki nahin warna

jo ran mein hua tha wahi darbar mein hota

jis se main gala kaT sakun apni ana ka

ai kash wo loha meri talwar mein hota

hota hi nahin zaKHm jo bharne se ho qasir

hota to mere halqa-e-azar mein hota

ek murgh-e-tamanna lab-e-aghyar pe hoti

ek harf dua ka dil-e-gham-KHwar mein hota

aankhon mein ujala lab-o-ruKHsar mein KHushbu

ek dil bhi kahin sina-e-dildar mein hota