kuchh chup hain aaina jo wo har bar dekh kar

kuchh chup haiñ aa.ina jo vo har baar dekh kar

kuḌhte haiñ apnī chashm ko bīmār dekh kar

āsāñ nahīñ mo.āmla us puḳhta-kār se

letā hai jins-e-dil ko bhī sau baar dekh kar

nāzāñ hai apnī quvvat-e-bāzū pe kis qadar

paikāñ kī jā vo siine meñ sūfār dekh kar

rote haiñ apne haal pe phir kyuuñ ye nā-sipās

kahtā hai mirī chashm-e-guhar-bār dekh kar

'ārif' bhare hue haiñ mazāmīn-e-dard-o-ġham

ḳhush hove kyā koī mire ash.ār dekh kar

kuchh chup hain aaina jo wo har bar dekh kar

kuDhte hain apni chashm ko bimar dekh kar

aasan nahin moamla us puKHta-kar se

leta hai jins-e-dil ko bhi sau bar dekh kar

nazan hai apni quwwat-e-bazu pe kis qadar

paikan ki ja wo sine mein sufar dekh kar

rote hain apne haal pe phir kyun ye na-sipas

kahta hai meri chashm-e-guhar-bar dekh kar

'arif' bhare hue hain mazamin-e-dard-o-gham

KHush howe kya koi mere ashaar dekh kar