kuchh der to is aql ko aaram diya jae

kuchh der to is 'aql ko ārām diyā jaa.e

ai 'ishq tujhe aaj koī kaam diyā jaa.e

is bhiiḌ ke chehre pe koī naam nahīñ hai

is ḳhauf-zada bhiiḌ ko ik naam diyā jaa.e

apnā hī lahū rang badalne lagā yaksar

ye kis ne kahā ġhair ko ilzām diyā jaa.e

pairoñ se rahe gardish-e-ayyām ko nisbat

aur haath meñ ā.īna-e-ayyām diyā jaa.e

kuchh der to is 'aql ko aaram diya jae

ai 'ishq tujhe aaj koi kaam diya jae

is bhiD ke chehre pe koi nam nahin hai

is KHauf-zada bhiD ko ek nam diya jae

apna hi lahu rang badalne laga yaksar

ye kis ne kaha ghair ko ilzam diya jae

pairon se rahe gardish-e-ayyam ko nisbat

aur hath mein aaina-e-ayyam diya jae