kuchh dinon tak hi shanasai rahi

kuchh dinoñ tak hī shanāsā.ī rahī

phir mirī shab mirī tanhā.ī rahī

raunaq-e-mahfil na aa.ī kaam kuchh

zindagī jab ḳhud se uktā.ī rahī

vaqt-e-ruḳhsat ḳhuub hī barsī magar

āñkhoñ meñ ġham kī ghaTā chhā.ī rahī

dhīre dhīre zaḳhm āḳhir bhar ga.e

bas zarā sūrat hī kajlā.ī rahī

chalte chalte kho ga.e manzar kahīñ

aañkh jin kī bhī tamannā.ī rahī

Dhal gayā sūraj ujāle chhīn kar

raat ke sar bazm-ārā.ī rahī

yaad aa.egī kahāñ us ko 'suman'

ishq meñ ab vo na gahrā.ī rahī

kuchh dinon tak hi shanasai rahi

phir meri shab meri tanhai rahi

raunaq-e-mahfil na aai kaam kuchh

zindagi jab KHud se uktai rahi

waqt-e-ruKHsat KHub hi barsi magar

aankhon mein gham ki ghaTa chhai rahi

dhire dhire zaKHm aaKHir bhar gae

bas zara surat hi kajlai rahi

chalte chalte kho gae manzar kahin

aankh jin ki bhi tamannai rahi

Dhal gaya suraj ujale chhin kar

raat ke sar bazm-arai rahi

yaad aaegi kahan us ko 'suman'

ishq mein ab wo na gahrai rahi