kuchh ek log jo dil ke makan mein aae
kuchh ek log jo dil ke makān meñ aa.e
purāne sānahe sab mere dhyān meñ aa.e
maiñ chāhtā huuñ ki merā bharam rahe qaa.em
nahīñ bhī ho to koī darmiyān meñ aa.e
daraḳht-e-dil pe koī 'umr bhar nahīñ Thahrā
bahut se log yuuñ to sā.ebān meñ aa.e
purāne saare sabaq yaad kar ke aayā thā
na.e savāl na.e imtihān meñ aa.e
koī to aisā ho jo merī chup samajhtā ho
kabhī to merī ḳhamoshī bayān meñ aa.e
kuchh ek log jo dil ke makan mein aae
purane sanahe sab mere dhyan mein aae
main chahta hun ki mera bharam rahe qaem
nahin bhi ho to koi darmiyan mein aae
daraKHt-e-dil pe koi 'umr bhar nahin Thahra
bahut se log yun to saeban mein aae
purane sare sabaq yaad kar ke aaya tha
nae sawal nae imtihan mein aae
koi to aisa ho jo meri chup samajhta ho
kabhi to meri KHamoshi bayan mein aae
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
