kuchh fasla nahin hai adu aur shikast mein

kuchh fāsla nahīñ hai adū aur shikast meñ

lekin koī surāġh nahīñ hai giraft meñ

kuchh daḳhl iḳhtiyār ko ho būd-o-hast meñ

sar kar luuñ ye jahān-e-alam ek jast meñ

ab vādi-e-badan meñ koī boltā nahīñ

suntā huuñ aap apnī sadā bāz-gasht meñ

ruḳh hai mire safar kā alag terī samt aur

ik su-e-murġh-zār chale ek dasht meñ

kis shaah kā guzar hai ki maflūj jism-o-jāñ

jī jaan se juTe hue haiñ band-o-bast meñ

ye pūchh aa ke kaun nasīboñ jiyā hai dil

mat dekh ye ki kaun sitāra hai baḳht meñ

kis soz kī kasak hai nigāhoñ ke aas paas

kis ḳhvāb kī shikast umaD aa.ī hai tasht meñ

kuchh fasla nahin hai adu aur shikast mein

lekin koi suragh nahin hai giraft mein

kuchh daKHl iKHtiyar ko ho bud-o-hast mein

sar kar lun ye jahan-e-alam ek jast mein

ab wadi-e-badan mein koi bolta nahin

sunta hun aap apni sada baz-gasht mein

ruKH hai mere safar ka alag teri samt aur

ek su-e-murgh-zar chale ek dasht mein

kis shah ka guzar hai ki mafluj jism-o-jaan

ji jaan se juTe hue hain band-o-bast mein

ye puchh aa ke kaun nasibon jiya hai dil

mat dekh ye ki kaun sitara hai baKHt mein

kis soz ki kasak hai nigahon ke aas pas

kis KHwab ki shikast umaD aai hai tasht mein