kuchh gharaz wajh muddaa bais

kuchh ġharaz vaj.h mudda.ā baa.is

kyuuñ ḳhafā ho ga.e ho kyā baa.is

mujh se rūThe ho kyuuñ bilā baa.is

kyā ḳhatā kyā qusūr kyā baa.is

ab khulā ye ki jaan jaane kā

thā sabab dil hī dil hī thā baa.is

maiñ ne chheḌā thā kyuuñ bigaḌte na vo

ḳhafagī kī huī ḳhatā baa.is

maiñ unheñ chāhūñ vo ye ḳhud chāheñ

koī aisā ho yā ḳhudā baa.is

nahīñ milte na miliye bismillāh

par batā dījiye zarā baa.is

aaj kyuuñ vo bigaḌ ga.e ham se

yā ilāhī na kuchh khulā baa.is

mar ga.e dekh ham tirā andāz

hai fazā kī tirī adā baa.is

jab kahā maiñ ne aa.iye mire paas

do ghaḌī ke liye kahā baa.is

tum hasīñ ho to chāhte haiñ tumheñ

yahī baa.is hai aur kyā baa.is

kar liyā kaisā aap ko tasḳhīr

'sehr' huuñ varna aur kyā baa.is

kuchh gharaz wajh muddaa bais

kyun KHafa ho gae ho kya bais

mujh se ruThe ho kyun bila bais

kya KHata kya qusur kya bais

ab khula ye ki jaan jaane ka

tha sabab dil hi dil hi tha bais

main ne chheDa tha kyun bigaDte na wo

KHafagi ki hui KHata bais

main unhen chahun wo ye KHud chahen

koi aisa ho ya KHuda bais

nahin milte na miliye bismillah

par bata dijiye zara bais

aaj kyun wo bigaD gae hum se

ya ilahi na kuchh khula bais

mar gae dekh hum tera andaz

hai faza ki teri ada bais

jab kaha main ne aaiye mere pas

do ghaDi ke liye kaha bais

tum hasin ho to chahte hain tumhein

yahi bais hai aur kya bais

kar liya kaisa aap ko tasKHir

'sehr' hun warna aur kya bais