kuchh hisāb ai sitam ījād to kar
kis qadar zulm kiye yaad to kar
zinda jā sakte haiñ bāhar ki nahīñ
dekh asīroñ ko ab āzād to kar
ḳhaak kyuuñ chhān rahā hai batlā
thā bhī dil paas tire yaad to kar
are muñh Dhāñp ke rone vaale
dam ulaT jā.egā fariyād to kar
haa.e kyā hogā bahār aane tak
qaidī-e-kunj-e-kafas yaad to kar
vo tasallī hī sahī ai sayyād
kuchh muayyan mirī mī.ād to kar
hai tanaffur jo butoñ se vaa.iz
sifat-e-husn-e-ḳhudā-dād to kar
jā kabhī najd kī jānib bhī 'azīz'
rūh-e-majnūñ ko zarā shaad to kar
kuchh hisab ai sitam ijad to kar
kis qadar zulm kiye yaad to kar
zinda ja sakte hain bahar ki nahin
dekh asiron ko ab aazad to kar
KHak kyun chhan raha hai batla
tha bhi dil pas tere yaad to kar
are munh Dhanp ke rone wale
dam ulaT jaega fariyaad to kar
hae kya hoga bahaar aane tak
qaidi-e-kunj-e-kafas yaad to kar
wo tasalli hi sahi ai sayyaad
kuchh muayyan meri miad to kar
hai tanaffur jo buton se waiz
sifat-e-husn-e-KHuda-dad to kar
ja kabhi najd ki jaanib bhi 'aziz'
ruh-e-majnun ko zara shad to kar
Source:
Gulkadah(Majmua-e-Ghazliyat) (Pg. e-76 p-48)
-
Author:
Mirza Mohammad Hadi Aziz Lakhnavi
-
- Edition: 1936
- Publisher: Siddique Book Depot, Lucknow
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.