kuchh is qadar hai pareshāñ nafas nafas merā
maiñ zindagī ko ulaT duuñ chale jo bas merā
kahāñ kahāñ na gayā hāl-e-dil sunāne ko
banā na koī kahīñ phir bhī dād-ras merā
liye phirūñgā hamesha maiñ us kī ḳhākistar
rahegā saath mire jal ke bhī qafas merā
maiñ sochtā huuñ ma.āl-e-hayāt kyā hogā
bajā hai zabt-e-mohabbat meñ pesh-o-pas merā
kisī ke saath 'munavvar' kiyā ho kuchh bhī sulūk
maiñ chāhtā huuñ ki gaa.e na ka.ī jas merā
kuchh is qadar hai pareshan nafas nafas mera
main zindagi ko ulaT dun chale jo bas mera
kahan kahan na gaya haal-e-dil sunane ko
bana na koi kahin phir bhi dad-ras mera
liye phirunga hamesha main us ki KHakistar
rahega sath mere jal ke bhi qafas mera
main sochta hun maal-e-hayat kya hoga
baja hai zabt-e-mohabbat mein pesh-o-pas mera
kisi ke sath 'munawwar' kiya ho kuchh bhi suluk
main chahta hun ki gae na kai jas mera
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.