kuchh ishaare wo sar-e-bazm jo kar jate hain

Sher Singh Naaz Dehlvi

kuchh ishaare wo sar-e-bazm jo kar jate hain

Sher Singh Naaz Dehlvi

MORE BYSher Singh Naaz Dehlvi

    kuchh ishāre vo sar-e-bazm jo kar jaate haiñ

    nāvak-e-nāz kaleje meñ utar jaate haiñ

    ahl-e-dil rāh-e-adam se bhī guzar jaate haiñ

    nām-levā tire be-ḳhauf-o-ḳhatar jaate haiñ

    safar-e-zīst huā ḳhatm na sochā lekin

    ham ko jaanā hai kahāñ aur kidhar jaate haiñ

    nigah-e-lutf meñ hai uqda-kushā.ī muzmar

    kaam bigḌe hue bandoñ ke sañvar jaate haiñ

    qābil-e-dīd hai mahshar meñ ḳhajālat un

    do qadam chalte haiñ rukte haiñ Thahar jaate haiñ

    ḳhuub badnām kiyā apnī siyahkārī ne

    uñgliyāñ uThtī haiñ mahshar meñ jidhar jaate haiñ

    aañkh khul jaatī hai chauñk uThte haiñ sone vaale

    vo dabe paañv jo turbat se guzar jaate haiñ

    chārāgar hājat-e-marham nahīñ un ko aslan

    zaḳhm-e-dil lazzat-e-īsār se bhar jaate haiñ

    āh-e-sozāñ se jo nikle the sitāre shab-e-ġham

    ban ke taare vahī gardūñ pe bikhar jaate haiñ

    aaj tak lauT ke aayā na jahāñ se koī

    ham-safīrān-e-jahāñ ham bhī udhar jaate haiñ

    bahr-e-ġham meñ vahī phañste haiñ jo hote haiñ girāñ

    jo subuk hote haiñ vo paar utar jaate haiñ

    kushta-e-nāz tirā kyuuñ na zamīñ par loTe

    dāġh-e-dil jitne haiñ is tarah vo bhar jaate haiñ

    kuchh ishaare wo sar-e-bazm jo kar jate hain

    nawak-e-naz kaleje mein utar jate hain

    ahl-e-dil rah-e-adam se bhi guzar jate hain

    nam-lewa tere be-KHauf-o-KHatar jate hain

    safar-e-zist hua KHatm na socha lekin

    hum ko jaana hai kahan aur kidhar jate hain

    nigah-e-lutf mein hai uqda-kushai muzmar

    kaam bigDe hue bandon ke sanwar jate hain

    qabil-e-did hai mahshar mein KHajalat un ki

    do qadam chalte hain rukte hain Thahar jate hain

    KHub badnam kiya apni siyahkari ne

    ungliyan uThti hain mahshar mein jidhar jate hain

    aankh khul jati hai chaunk uThte hain sone wale

    wo dabe panw jo turbat se guzar jate hain

    chaaragar hajat-e-marham nahin un ko aslan

    zaKHm-e-dil lazzat-e-isar se bhar jate hain

    aah-e-sozan se jo nikle the sitare shab-e-gham

    ban ke tare wahi gardun pe bikhar jate hain

    aaj tak lauT ke aaya na jahan se koi

    ham-safiran-e-jahan hum bhi udhar jate hain

    bahr-e-gham mein wahi phanste hain jo hote hain giran

    jo subuk hote hain wo par utar jate hain

    kushta-e-naz tera kyun na zamin par loTe

    dagh-e-dil jitne hain is tarah wo bhar jate hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY