kuchh kaam to aaya dil-e-nakaam hamara

kuchh kaam to aayā dil-e-nākām hamārā

TuuTā hai to TuuTā hī sahī jaam hamārā

jitnā ise samjhā kiye begāna-e-tāsīr

itnā to na thā jazba-e-dil ḳhaam hamārā

ye kaun maqām aayā qadam uThte nahīñ haiñ

manzil pe Thaharnā to na thā kaam hamārā

ham jaise taḌapte haiñ taḌapte rahe din raat

kuchh kar na sakī gardish-e-ayyām hamārā

ye gardish-e-paimāna hai yā gardish-e-taqdīr

saaqī kisī sāġhar pe to ho naam hamārā

phūloñ kī hañsī bā.is-e-taḳhrīb-e-chaman hai

kāñToñ pe nahīñ hai koī ilzām hamārā

ham gardish-e-sāġhar ko nigāhoñ meñ liye haiñ

dekhe koī husn-e-talab-e-jām hamārā

āġhāz-e-mohabbat hī kā e.ajāz-e-karam hai

dil ho gayā begāna-e-anjām hamārā

andāz taḌapne kā judāgāna hai lekin

hai koī 'figār' aur bhī hamnām hamārā

kuchh kaam to aaya dil-e-nakaam hamara

TuTa hai to TuTa hi sahi jam hamara

jitna ise samjha kiye begana-e-tasir

itna to na tha jazba-e-dil KHam hamara

ye kaun maqam aaya qadam uThte nahin hain

manzil pe Thaharna to na tha kaam hamara

hum jaise taDapte hain taDapte rahe din raat

kuchh kar na saki gardish-e-ayyam hamara

ye gardish-e-paimana hai ya gardish-e-taqdir

saqi kisi saghar pe to ho nam hamara

phulon ki hansi bais-e-taKHrib-e-chaman hai

kanTon pe nahin hai koi ilzam hamara

hum gardish-e-saghar ko nigahon mein liye hain

dekhe koi husn-e-talab-e-jam hamara

aaghaz-e-mohabbat hi ka eajaz-e-karam hai

dil ho gaya begana-e-anjam hamara

andaz taDapne ka judagana hai lekin

hai koi 'figar' aur bhi hamnam hamara