kuchh kaho kis ko sada di jae

kuchh kaho kis ko sadā dī jaa.e

jaane vaale ko duā dī jaa.e

dil pe phir aaj hai maazī kā hujūm

yaad kis kis kī bhulā dī jaa.e

hai havā tez bahut chāroñ taraf

sham.a kis ruḳh pe jalā dī jaa.e

aao dīvār pe saaya dekheñ

hasrat-e-dīd miTā dī jaa.e

dil meñ dhuñdlā ga.e naqsh-e-nāyāb

koī tasvīr banā dī jaa.e

har taraf sho.ale haiñ nafrat ke 'asar'

uTTho ye aag bujhā dī jaa.e

kuchh kaho kis ko sada di jae

jaane wale ko dua di jae

dil pe phir aaj hai mazi ka hujum

yaad kis kis ki bhula di jae

hai hawa tez bahut chaaron taraf

shama kis ruKH pe jala di jae

aao diwar pe saya dekhen

hasrat-e-did miTa di jae

dil mein dhundla gae naqsh-e-nayab

koi taswir bana di jae

har taraf shoale hain nafrat ke 'asar'

uTTho ye aag bujha di jae