kuchh KHarabi nahin muqaddar mein
kuchh ḳharābī nahīñ muqaddar meñ
koī muḳhbir hai apne lashkar meñ
maiñ to muddat se ġhair-hāzir huuñ
bas mirā naam hai register meñ
varna ik roz meñ hī saḌ jaa.eñ
log rakkhe hue haiñ frēzer meñ
yaad kartī haiñ tujh ko dīvāreñ
shakl ubhar aa.ī hai palastar meñ
bah rahī hai hamārī ḳhāmoshī
shor karte hue samundar meñ
niiñd kī raah dekhte hoñge
maḳhmalī jism narm bistar meñ
ek buḌhiyā kā bojh uThāyā thā
bas du'ā.eñ thiiñ us ke gaTThar meñ
ye ta'āruf na.ī sadī kā hai
aa.ina Dhal rahā hai patthar meñ
kis qadar sard ye mahīna hai
dil bhī TuuTā mirā december meñ
kuchh KHarabi nahin muqaddar mein
koi muKHbir hai apne lashkar mein
main to muddat se ghair-hazir hun
bas mera nam hai register mein
warna ek roz mein hi saD jaen
log rakkhe hue hain freezer mein
yaad karti hain tujh ko diwaren
shakl ubhar aai hai palastar mein
bah rahi hai hamari KHamoshi
shor karte hue samundar mein
nind ki rah dekhte honge
maKHmali jism narm bistar mein
ek buDhiya ka bojh uThaya tha
bas du'aen thin us ke gaTThar mein
ye ta'aruf nai sadi ka hai
aaina Dhal raha hai patthar mein
kis qadar sard ye mahina hai
dil bhi TuTa mera december mein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
