kuchh ḳhushī se hamīñ ishq-e-sitam-ījād nahīñ
apne kahne hī meñ apnā dil-e-nāshād nahīñ
tujh sā be-rahm koī aur sitam-ījād nahīñ
dam bhī lene kī ijāzat dam-e-be-dād nahīñ
ye nayā zulm hai yārab ki unhīñ kā va.ada
ham unheñ yaad dilā.eñ vo kaheñ yaad nahīñ
siikh jaatā hai bashar ishq ke sadme sah kar
choT dil kī bhī kam az saili-e-ustād nahīñ
jaan hī jā.egī yā sabr hī aa jā.egā
yā hameñ aaj nahīñ yā dil-e-nāshād nahīñ
yahī mahshar hai yahī va.ada-e-fardā kā hai din
aap kyā bhuul ga.e aur mujhe yaad nahīñ
yuuñ huā huuñ maiñ 'nazar' ishq-e-butāñ meñ kāfir
maiñ to maiñ mere farishtoñ ko ḳhudā yaad nahīñ
kuchh KHushi se hamin ishq-e-sitam-ijad nahin
apne kahne hi mein apna dil-e-nashad nahin
tujh sa be-rahm koi aur sitam-ijad nahin
dam bhi lene ki ijazat dam-e-be-dad nahin
ye naya zulm hai yarab ki unhin ka wada
hum unhen yaad dilaen wo kahen yaad nahin
sikh jata hai bashar ishq ke sadme sah kar
choT dil ki bhi kam az saili-e-ustad nahin
jaan hi jaegi ya sabr hi aa jaega
ya hamein aaj nahin ya dil-e-nashad nahin
yahi mahshar hai yahi wada-e-farda ka hai din
aap kya bhul gae aur mujhe yaad nahin
yun hua hun main 'nazar' ishq-e-butan mein kafir
main to main mere farishton ko KHuda yaad nahin
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
