kuchh mohabbat mein ajab shewa-e-dil-dar raha

Hijr Nazim Ali Khan

kuchh mohabbat mein ajab shewa-e-dil-dar raha

Hijr Nazim Ali Khan

MORE BY Hijr Nazim Ali Khan

    kuchh mohabbat meñ ajab sheva-e-dil-dār rahā

    mujh se inkār rahā ġhair se iqrār rahā

    kuchh sarokār nahīñ jaan rahe na rahe

    na rahā un se to phir kis se sarokār rahā

    shab-e-ḳhalvat vahī hujjat vahī takrār rahī

    vahī qissa vahī ġhussa vahī inkār rahā

    tālib-e-dīd ko zālim ne ye likkhā ḳhat meñ

    ab qayāmat pe mirā vāda-e-dīdār rahā

    hāl-e-dil bazm meñ us shoḳh se ham kah na sake

    lab-e-ḳhāmosh sūrat lab-e-iz.hār rahā

    kuchh ḳhabar hai tujhe o chain se sone vaale

    raat bhar kaun tirī yaad meñ bedār rahā

    ik nazar naza.a meñ dekhī thī kisī sūrat

    muddatoñ qabr meñ bechain dil-e-zār rahā

    dil hamārā thā hamārā thā hamārā lekin

    un ke qaabū meñ rahā un taraf-dār rahā

    umr hañs-khel ke is tarah guzārī ai 'hijr'

    dost dost rahā yaar maiñ yaar rahā

    kuchh mohabbat mein ajab shewa-e-dil-dar raha

    mujh se inkar raha ghair se iqrar raha

    kuchh sarokar nahin jaan rahe ya na rahe

    na raha un se to phir kis se sarokar raha

    shab-e-KHalwat wahi hujjat wahi takrar rahi

    wahi qissa wahi ghussa wahi inkar raha

    talib-e-did ko zalim ne ye likkha KHat mein

    ab qayamat pe mera wada-e-didar raha

    haal-e-dil bazm mein us shoKH se hum kah na sake

    lab-e-KHamosh ki surat lab-e-izhaar raha

    kuchh KHabar hai tujhe o chain se sone wale

    raat bhar kaun teri yaad mein bedar raha

    ek nazar naza mein dekhi thi kisi ki surat

    muddaton qabr mein bechain dil-e-zar raha

    dil hamara tha hamara tha hamara lekin

    un ke qabu mein raha un ka taraf-dar raha

    umr hans-khel ke is tarah guzari ai 'hijr'

    dost ka dost raha yar ka main yar raha

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY