kuchh nahin garche teri rahguzar se aage

kuchh nahīñ garche tirī rāhguzar se aage

dekhnā kufr nahīñ hadd-e-nazar se aage

ḳhud-farebī ke liye garm-e-safar haiñ varna

kyā hai manzil ke sivā gard-e-safar se aage

merā aflāk bhī taskīn-e-nazar ho na sakā

the vahī shams-o-qamar shams-o-qamar se aage

zindagī vaqt kī dīvāroñ meñ mahbūs rahī

koī parda na uThā shām-o-sahar se aage

aaj ke daur kā da.avā hai ki anqā ke sivā

koī uqda nahīñ irfān-e-bashar se aage

qatre qatre ko taraste rahe sahrā 'fāriġh'

jhuum kar uTThe bhī bādal to vo barse aage

kuchh nahin garche teri rahguzar se aage

dekhna kufr nahin hadd-e-nazar se aage

KHud-farebi ke liye garm-e-safar hain warna

kya hai manzil ke siwa gard-e-safar se aage

mera aflak bhi taskin-e-nazar ho na saka

the wahi shams-o-qamar shams-o-qamar se aage

zindagi waqt ki diwaron mein mahbus rahi

koi parda na uTha sham-o-sahar se aage

aaj ke daur ka dawa hai ki anqa ke siwa

koi uqda nahin irfan-e-bashar se aage

qatre qatre ko taraste rahe sahra 'farigh'

jhum kar uTThe bhi baadal to wo barse aage