kuchh nahin karta masiha to dawa deta hai

kuchh nahīñ kartā masīhā to davā detā hai

kaam rab kā hai shifā denā shifā detā hai

sub.h hote hī ujāloñ kā patā detā hai

vo jo sūraj hai charāġhoñ ko bujhā detā hai

merā mahbūb mujhe kaisī sazā detā hai

vaar kartā nahīñ nazroñ se girā detā hai

aag chupke se lagātā hai ishāroñ se koī

aa.e ilzām to phir haath uThā detā hai

ibtidā 'ishq kī hotī hai kaThin sī lekin

dard jab had se guzartā hai mazā detā hai

paas aatā hai sunātā hai kahānī ġham kī

koī kājal mirī āñkhoñ se bahā detā hai

pheñk kar shāḳh-e-samar-dār pe patthar 'mehrū'

koī mā'sūm parindoñ ko uḌā detā hai

kuchh nahin karta masiha to dawa deta hai

kaam rab ka hai shifa dena shifa deta hai

subh hote hi ujalon ka pata deta hai

wo jo suraj hai charaghon ko bujha deta hai

mera mahbub mujhe kaisi saza deta hai

war karta nahin nazron se gira deta hai

aag chupke se lagata hai ishaaron se koi

aae ilzam to phir hath uTha deta hai

ibtida 'ishq ki hoti hai kaThin si lekin

dard jab had se guzarta hai maza deta hai

pas aata hai sunata hai kahani gham ki

koi kajal meri aankhon se baha deta hai

phenk kar shaKH-e-samar-dar pe patthar 'mehru'

koi ma'sum parindon ko uDa deta hai