kuchh naya karne ki KHwahish mein purane ho gae
kuchh nayā karne kī ḳhvāhish meñ purāne ho ga.e
baal chāñdī ho ga.e bachche siyāne ho ga.e
zindagī hañsne lagī parchhā.iyoñ ke shahr meñ
chāñd kyā ubhrā ki sab manzar suhāne ho ga.e
ret par to TuuT kar barse magar bastī pe kam
is na.ī rut meñ to bādal bhī divāne ho ga.e
bādaloñ ko dekh kar vo yaad kartā hai mujhe
is kahānī ko sune kitne zamāne ho ga.e
joḌtā rahtā huuñ aksar ek qisse ke varaq
jis ke sab kirdār logo be-Thikāne ho ga.e
'mīr' kā dīvān āñkheñ jism 'qā.em' kī ġhazal
jaane kis ke naam mere sab ḳhazāne ho ga.e
ret par ik nā-mukammal naqsh thā qurbat kā ḳhvāb
fāsla baḌhne ke 'akmal' sau bahāne ho ga.e
kuchh naya karne ki KHwahish mein purane ho gae
baal chandi ho gae bachche siyane ho gae
zindagi hansne lagi parchhaiyon ke shahr mein
chand kya ubhra ki sab manzar suhane ho gae
ret par to TuT kar barse magar basti pe kam
is nai rut mein to baadal bhi diwane ho gae
baadalon ko dekh kar wo yaad karta hai mujhe
is kahani ko sune kitne zamane ho gae
joDta rahta hun aksar ek qisse ke waraq
jis ke sab kirdar logo be-Thikane ho gae
'mir' ka diwan aankhen jism 'qaem' ki ghazal
jaane kis ke nam mere sab KHazane ho gae
ret par ek na-mukammal naqsh tha qurbat ka KHwab
fasla baDhne ke 'akmal' sau bahane ho gae
This content features in following collection(s)
COMMENT
COMMENTS
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
