kuchh pahle in aankhon aage kya kya na nazara guzre tha
kuchh pahle in aankhon aage kya kya na nazara guzre tha
Faiz Ahmad Faiz
MORE BYFaiz Ahmad Faiz
Interesting Fact
Dakani verse
kuchh pahle in āñkhoñ aage kyā kyā na nazārā guzre thā
kyā raushan ho jaatī thī galī jab yaar hamārā guzre thā
the kitne achchhe log ki jin ko apne ġham se fursat thī
sab pūchheñ the ahvāl jo koī dard kā maarā guzre thā
ab ke ḳhizāñ aisī Thahrī vo saare zamāne bhuul ga.e
jab mausam-e-gul har phere meñ aa aa ke dobārā guzre thā
thī yāroñ kī bahutāt to ham aġhyār se bhī bezār na the
jab mil baiThe to dushman kā bhī saath gavārā guzre thā
ab to haath sujhā.ī na deve lekin ab se pahle to
aañkh uThte hī ek nazar meñ aalam saarā guzre thā
kuchh pahle in aankhon aage kya kya na nazara guzre tha
kya raushan ho jati thi gali jab yar hamara guzre tha
the kitne achchhe log ki jin ko apne gham se fursat thi
sab puchhen the ahwal jo koi dard ka mara guzre tha
ab ke KHizan aisi Thahri wo sare zamane bhul gae
jab mausam-e-gul har phere mein aa aa ke dobara guzre tha
thi yaron ki bahutat to hum aghyar se bhi bezar na the
jab mil baiThe to dushman ka bhi sath gawara guzre tha
ab to hath sujhai na dewe lekin ab se pahle to
aankh uThte hi ek nazar mein aalam sara guzre tha
Source:
Nuskha Hai Wafa (Kulliyat-e-Faiz) (Pg. 623)
-
- Edition: 2009
- Publisher: Educational Publishing House
- Year of Publication: 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
